Kantauriko antxoak

“Kantauri itsasoan aurkitzen dira munduko antxoa onenak“; hala irizten dio altxor preziatu honetan aditua den orok. Testura finekoa eta zapore bizikoa da gure uretan dagoen bokarta, ahoan sartzerakoan uzten digun bouquet hori beste ezeinekin konparezina dena. Arroyabe antxoak kalitate gorenekoak dira, gure Kantauri itsasoan arrantzatuak eta eskuz eginak.

Antxoa erdikontserba bi eratan prestatu izan da betidanik euskal kostaldean: salazoian eta ozpinetan. Antxoak salazoian gatzetan ondutako bokartak dira; 9 hilabete pasa eta gero ondo garbitu eta oliba-oliotan ontziratzen direnak. Bokarta ozpinetan prestatzeko, ordea, aurretik izoztu egiten da; ontze-prozesurik ez duenez, anisakisa deusezteko beharrezkoa baita.